ماهر كذلك ما خلى مكان ما دور فيه وظيفه

و رغم علاقات خاله وعلاقات ابوه الله يرحمه لكنه مالقى أي وظيفه

ماهر له زميل من اهل الرياض اسمه معاذ ..

بس ما فصل من الدراسه مثل ماهر ..و ابوه عنده محلات عطاره ,,

قال له ماهر :

اقول لك يا موعاز ..

ايش رايك تقول لأبوك يشغلني عندو في محلاتو هادي ماني عارف ايش ايسمها؟

قال معاذ محلات عطاره ..

قال ماهر ايييوه العوطاره هادي...

 ايش شيكلها العوطاره هادي ؟

قال معاذ: الحين ما تعرف وشهي وتبي تشتغل فيها؟

قال : ايييوه ايش فيها  لما اسأل؟؟

وبعدين ترا انا اعجيك ..كولَها اسبوع واعريف العوطارات كولّها

بس اينتا قول لابوك يشغلني عندو في أي محل من عوطاراتو

وانا ابيع لو في اليوم مية عطر ولو عندو ماكياج ابيعو لو كمانا

قال معاذ وش عطوراته وش مكياجه الله يرجك؟

محلات العطاره يبيعون فيها اعشاب  وبهارات ومكسارات وطبوب

قال ماهر :

ايش شيكلوا الطبوب هادا؟

قال يعني اشياء تستخدم في الطب الشعبي

قال ماهر :

اينتا بس قول لابوك يشغلني وهو حيشوف ماهر ابن ابو رامي الله يرحمو حيعمل ايه

راح معاذ وقال لابوه :

 يبه عندي صديق عزيز علي وحبوب واهله قمه في الاخلاق

ودي تشغله عندك في واحد من المحلات

قال ابوه .. طيب بس هو ولدن حـَرتس والا خانس ؟

قال ل يبه ا حـَرتس وخفيف طينه و بيعجبك..

قال خلاص خله يروح لفرعنا اللي في الشفا وانا بكلم له مدير المحل

وبنعطيه راتب 1200 ريال وان اثبت نفسه زدته..

هو وش اسمه ؟

قال ماهر..

راح معاذ وعلم ماهر وانبسط قال :

 الف وميتين ولا نقنقة اومي وخالي..

....

راح ماهر للمحل في الشفا وكان لابس جينز وتي شيرت فيه صورة نمر

المحل مديره حوطي اسمه راشد في الخمسينات من العمر

قال السلام عليكم :

قال راشد وعليكم السلام  هلا ..

قال :

معاك ماهير االلي حكى لك عني ابو موعاز

قال : حياك الله يا ماهر وش تبي طيب ؟

ايش اللي ايش  ابي وايش جدي؟؟

ابو موعاز ما قال لك انو حيجيلك ولد ايسمو ماهر وخليه يشتغل معاكم؟

قال : الا  قايله لي بس قال لي انه سعودي ..

(راشد أي واحد لابس جينز وما يتكلم حوطي يعتبر من الاجناب)

قال ماهر : اجنبي في عينك  بلا فشكلك ..

انا سعودي ابا عن جد وجد

جدي كان مطوف قبل اينتا واهلك تيعرفوا حاجه ايسمها عومره..

قال راشد : وراك زعلت ياخوي .. امزح معك الله يصلحك

قال طيب خلاص ,,بس ترا شغلنا يبي له صبر على ذا الزباين

ولازم تعرف كل شيّ(ن) نبيعه ووشهو يستخدم فيه

لكن مبدئيا بنخليك بس تجيب الاغراض ونعلمك وين اماكنها

وشوي شوي بتعرف وشنهي تستخدم فيه..

( دايم راشد يشخص بكلمة مبدئيا )

ونادى واحد من السودانيين اللي في المحل قال

خذ الاخ ماهر وخله يتعلم مبدئيا على  اماكن المواد والاعشاب..

واذا عرف بنعلمه مبدئيا وش كل ماده تستخدم فيه

ويتعلم معظم الاشياء المعروفه

لكن فيه اشياء يسالون عنها الزباين صعب على ماهر يعرفها

لا تلخبطه فيها ..علمه يشوي لين يفهم الشغل كله مبدئيا...

في اول يوم استلم الشغل دخلت  للمحل عجوز من لهجتها واضح انها حريقيه

وقالت  عندكم عـِصفر (مع مد كلمة عصفر)؟

قال ماهر :

العصافير والبلابل تلاقينها  في سوق الحمام يا أومي,,

قالت : وش عصافيره جعلها تنقر خشمك انا قايلتن عصافير!!

 اقول وخر بس ما خبرت الاشوام يعرفون العصفر..

راحت لراشد وجاب لها العصفر ..

في يوم ثاني جت وحده من اهل الحوطه

قالت لماهر ماعندكم حلتيييييييييت؟؟

قال ايش شكلو الحلتيت هادا

وقال بصوت خافت:

 حل تيت والا حل برب !!!

همّن قعد يضحك على مصالته...

سمعته الحرمه وقالت وقالت

وش بربه جعلهم يربّونك مثل الدّله ..؟

قال معليش يا أومي كونت ادحك معاكي..

الحرمه عند نفسها انها شباب ,,وسمعته يقول امي قال له:

وش امك جعلك الامهات اللي تحوسك؟

يا طقعتين شامي ويبيع حلتيت يا والله الحاله..

قالت رح لراعي المحل ويعلمك وشنهو الحلتيت

قال لها ايش اللي شامي .. انا سعودي يا موتخلفه

راح ماهر لراشد وقال اقوللك يا راشد:

 فيه حاجه عندنا ايسمها حالتيت

قال ايه شفها هناك  وخل الزول يوريك مكانها

واعطوها شوي حلتيت يوم عطاها ماهر الكيس

خذته منه وكشت عليه وطلعت ..

حاقده عليه انه قال له يا اومي

وعلى ذا الحاله ..صاروا الزباين كل ما سألوه عن شي ما عرف وراحوا لراشد

وفي يوم جا واحد سمين وقال لماهر فيه وصفه للتخسيس؟

قال ماهر ايش شيكلها؟

قال تتكون من :  عشبة الشمّر .....

وقبل يكمل الرجال باقي مقادير الوصفه باغته ماهر وقال :

ايييوه اعرفها قبيلة شمّر القبيله الكَبيره

اللي منهم جبرتي الشمراني الاهبل

 اللي يسجل قون ويضيّع خومسمية فورصه بلافشكلو..

قال الرجال : ياخوي وش تقول انت ووش دخل شمّر في الشمراني

وبعدين اصبر خلني اكمل,,

عشبة شمّر ومراميه ...

التفت ماهر على راشد وقال له :

يا راشد عندنا مراميّه؟

قال راشد :  لا  قظت ..خلّصت

طيب ولا مراميتين ؟

قال راشد للزول اللي جنبه :

وين الله بلانا بذا  جعل امه في بطنه..

قال ماهر للرجال ابش تيبغا فيها الحاجات هادي؟

قال هي وصفات للتخسيس بس ما خليتني اكملها لك الله يهديك

قال ماهر يعني اينتا تيبغا تينحف باستخدامك الكلام الفاضي هادا؟

يا راجل روح لنادي وايتمرن زي الناس ياهووه وبطل الكبسه واينتا تينحف..

بلا مراميه بلا حالتيت بلا كلام فاضي..

الرجال طلع ومااشترى شي..

سمعه راشد وناداه وقال له:

الحين جعلك البالوش وش عليك منه تقول له رح نادي ؟

كان بعته اللي وان بغى يخف والا بصره

قال ماهر ايش شيكلها بالوش و بصره هادي ؟

قال راشد اقول ماعليك من الزباين اللي يقولونه عطهم اياه  وعلى شحم

عصب ماهر وقال لراشد: انتا بتقول ليّا انا على شَحمَه؟

وانتا كمانا على لََحمَه .. ولحمة جَمَل كمانا بلا فشكلك..

راشد قعد يقول بشويش:

 لاحول ولا قوة الا بالله وش ذا الطاعون اللي جابوه لنا

ومن بكره اتصل راشد على ابو معاذ وقال له :

يا طويل العمر ذا الولد اللي ارسلته لنا حبيب ومنضبط في الشغل

بس تراه مبدئيا  ما يعرف شي في العطاره ..نقدّنا (فشّلنا) عند الزباين

قال ابو معاذ  : اصبر عليه شوي لو علشان معاذ

قال راشد  :

بنصبر يا ابو معاذ مبدئيا  بس تراه بيسبب لنا مشاكل

قال له ان سبب لكم مشاكل فصلناه...

وفي يوم... جت بنت لابسه عبايه مخصره ومتمكيجه ومتعطره

ودخلت المحل ونادت واحد من العمال وراح لها ماهر يركض

قال تفضلي  أي خدمه :

قالت له عندكم زيت حشيش ؟

ماهر طلعت عيونه ووصلت خدوده وقعد يبولع بريقه

قال اييييش زيت ايش؟؟

قالت:   حشيييييييش ...

راح ماهر لراشد وقال له في اذنه :

انتم هنا يا راشد بتبيعوا زيت حشيش؟

قال راشد ايه شفه في المستودع..

راح ماهر للزبونه وقال لها استني شويه

اصحي تندوري ,,انا راح اجيب لك حشيش و كمان صنف من اللي يمخمخك وينعنشك

راح ماهر ودخل جوا المستودع واتصل على مكافحة المخدرات..

وقال :

حزرة الزابط معاك ماهر موزَف في محلات ابو موعاز للعيطاره

قال هلا تفضل آمر؟

قال انا متصل ابلّغ عن اصحاب المحل ,,انا اشتغل عيندهم من اسبوعين

ودحينا ايكتشفت اينهم بيروجوا حشيش ..

وبيبعوه على البنات كمانا بلا فشكلهم اللي ما يخافوا ربَنا

وعلشان انا  مواطن صالح

انا دحين متصل ابليغ عنّهم.. حتى لو كان  ابنهم صديقي

 لكن اخصورك منّو بلا فشكلو

قال وين المحل فيه ؟

قال ماهر : في الشفا ..واعطاه الوصف

دقايق وتجيب الدوريات ومكافحة المخدرات والهيئه ويحاصرون المحل

ويكلبشون راشد وهو يصايح : وجع طاعون ... وش فيكم جعلكم الشَبرَه ؟

وفتشون المحل والمستودعات ما لقوا شي

قال الضابط : وين اللي اسمه ماهر؟

قال ماهار انا هنا يا حزرة الزابط

قال وين الحشيش اللي تقول عنه ؟

قال ايسأل راشيد دوبي سألتوا قولتّالوا انتم بتبيعوا زيت حشيش قال ايييييوه

ودحينا بيكزب ويستهبل وبيقول انو ما يعرف حاجه... الموجريم الخاين للبلد

قال راشد الله يلعن امّن جا ....

قال الضابط بسسسس ولا كلمه لا تسب

قال راشد يا طويل العمر هذا دبشه مهوب آدمي ...

جعله الفاقوش عاين له بنتن تبي زيت حشيش

ويحزب انّها (يحسبها) تبي حشيش الله يعمي قلبه

والله اني قايله لابو معاذ مبدئيا ... قايلن له انه ثورن معمعم

وتراه مبدئيا سبب لنا مشاكلن بسيطه والله يستر لا يسبب لنا  مبدئيا مصايب تسبيره

تسني حاس .. ما امداني اقوله الا نقّدنا في الشارع الله ينقّده(يفضحه)

نادى الضابط ماهر وكلبشوه  وودوه للقسم..

راشد اتصل على ابو معاذ وقال له :

شف يا طويل العمر..

تقول صديق ولدي ,, تقول خوي ولدي والله لادبغه

تقول حبيب ولد اجواد... طابّن في بطنه طابن في بطنه.. الله لا يعوق بشر

قال ابو معاذ سلامات وش صار :

وعلمه راشد بالسالفه..

قال ابو معاذ :

لا لا ما تنلام ,,بس تراه سفيه  وصغير وعلى نياته

 افصله وعطه حقه اللي اشتغل فيه..

قال اعطيه حقه لعنتن ..استغفر الله بس تسانه خلاني استاثم

قال ابو معاذ وهو ميت ضحك خلاص انا اعطيه بس هد نفسك يا راشد

اما ماهر جا  اخوه رامي للقسم  وكفله واخذوا عليه تعهد وطلعوه..

وما علموا خاله خافواعليه يتوفى..

 من بكره راح ماهر  بيداوم

 توه بيدخل المحل ويلحقه راشد بمغرفة القهوه..

وهو يصايح ويقول انزتلع يا تزليل الحيا يا تزليل السَمـْتْ

وينحاش ماهر ويرجع راشد للمحل وهو يزبد ويرعد ويقول :

جعل ام ذا في مانيب قايل ..مير  يا قوي وجهه

تزليل الحيا ..جاين بيداوم المخيس بعد ما نقّدنا عند الناس والمحلات..

راح ماهر لبيتهم وهو ضايقن صدره...

ويقابله اخوه رامي ويقول هاه كيف الشغل اليوم؟؟

ماهر كان معصب ومتضايق وحط الحرّه في اخوه وقال له:

  هَيأ انزلع يا زليل الإسمنت انتا وخوشمك اللي عامل زي الحالتيت كده

الى اللقاء في الحلقه القادمه