اما نايف كل ما عرض عليه ابوه وظيفه ما جازت له..

آخر شي ناداه ابوه وقال له:

لقيت لك وظيفة في هايبر بنده  براتب 2000 ريال

قال وش الوظيفه ؟ محاسب؟

قال ابوه : لا المحاسب لازم معه الثانوي..وظيفة عامل

يعني ترتب الرفوف وتشيل معهم وتحط

نايف وهو خانقته العبره..

تبيني اشتغل عامل يبه ؟

وش تحس به انت ؟

آخرتها اشتغل عامل ومديري فلبيني وزميلي في العمل بنغالي؟

ودي افهم بس شي واحد يبه ..

انت وش تحس به؟

ونزلت دموعه وراح لغرفته

راح له ابوه وقعد يطيب خاطره

قال له : الشغل مهوب عيب وانا ابوك..

آبائنا واجدادنا اشتغلوا عمال في المزارع

واشتغلوا بنّايين ,,وكل الشغلات البسيطه

وبعض التجار بدوا حياتهم في وظايف بسيطه

لكن معليش ولا تزعل ,,ان شاء الله ادبر لك وظيفه افضل..

وصار ابوه يدور له وظيفه

لين قدر يدبر له وظيفه في احد مكاتب العقار اللي يملكها احد خوياه

وعرض الوظيفه عليه وقال له لقيت لك وظيفة مدير مكتب عقار

وعندك عامل بنغالي يساعدك في الشغل