قال زيد لابوه:
وش حريمه يبه وش تبي بهم ؟؟
هماك تقول انك بتجي
علشان تشوفني وتوصي مديري علي..
ابوه ما جاب خبره ولا انتبه لكلامه
لأن عينه في باب المحل يتحرّى للحريم يدخلون..
قال زيد :
يبه من جابك؟
قال ابوه : هاه .. اللي جابني رويشد اخوك وراني المحل وعيا يدخل
يقول وش ادخل أشوف ؟ ذا الوظيفه اللي تقطع الوجه !
قعد ابوه زود ربع ساعه ماجت ولازبونه
وقام من الكرسي وقال لزيد
بروح بس ماشفنا لاحريم ولابني ..
ياسفا بجيتي بس
لو اني مقابلن قناة ذا النوريات اللي يرقصن
كان ابرك من وجهك انت وخويك ذا الاملط....
ودق على راشد وجا واخذه بس مادخل المحل ..
يوم طلع زيد ونايف من الشغل اتصل نايف على ماهر
جواله مقفله ..راحوا لبيتهم ..طلع لهم اخوه رامي قال له زيد:
مسيك بالخير يا رامي ..ويت اخوك ما هر .. ؟
قال رامي :
دوبو خَرَج راح للشوغل .. اتصل عليه جوال بلكن يرود عليك
قال زيد :
عجزت وانا ازهم عليه وما بلكن يرد ولا شي
صاكن جواله جعله الصكك في اذانيه
قال رامي :
واينتا ايشبك زعلان ؟؟ جوالو وهوّا حُر فيه ..
وبعدين ايش تيبغا منّو؟
شاف نايف ان اختلاف اللهجات ممكن يحوس الدنيا
رد على رامي وقال :
ابدا يا رامي..انا وزيد نشتغل في محل
ونبغى نشوف ان كان ماهر وده يشتغل معنا
قال رامي فين تشتغلوا؟
قال نايف :
في محلات مكياجي .
رامي وهو يضحك..
ياراجل قول كلام غير هادا
انا ممكن امشّيها لك يا نايف واقول جايز انك تشتغل هناك
لكن الاخ زيد ..ابدا مستحيل اقتنع انو ينفع لشغله زي هادي
قال زيد:
اقول تلايط بس جعل ثَمك يدَّق بحصاة
والله لو معزّتي لاخوك ماهر اني لأدوس ببطنك
قال رامي:
على سيرة المعزه.. ماهر دحين بيلقّط رزقو في سوق الاغنام
قال زيد: اماااااااااااااااااا عااااااد !!!
الحين ماهر يشتغل في سوق الغنم !!
ومستغرب انت وخشمك اني اشتغل في محلات مكياجي!!
راحوا لسوق الغنم .. وبعد بحث وتدوير لماهر مالقوه
وتوهم بيرجعون ويسمعون واحد يحرّج ..
فين حقّين النيعيمي الطيّب اللزيز
فين حقّين البربريات الرشيقات
فين حقين المعيز اللي تخقّق التيوس
راحوا ناحية الصوت..
لقوا ماهر معه خروف نعيمي
وبربري واحد وعنز
زيد ونايف فطسوا من الضحك عليه
قال نايف انتبه يا زيد لا يشوفنا
خلنا نتفرج عليه كيف يتعامل مع الزباين
وقعدوا نص ساعه يمرون عليه الزباين ومحد عطاه وجه
شوي وقف عنده واحد ..
قال له : على تسم النعيمي يا ولد :
قال : ولد في عينك .. انا ريجال بلافشكلك
قال طيب يا ريجّال بكم النعيمي ؟
قال طيب ..أدّيني أوم السّمن ؟
قال الزبون : هاه ... أبك وش تقول أنت ؟
أبك وش سمنه يا غليّم؟
قال ماهر: مين قال لك ان اسمي غنيّم؟
والا علشان انا اشتغل في سوق الاغنام بتسموني غنيّم
والله اسم رايق بصراحه..
قال الزبون :
ابك انت وش تخربط تقول؟؟ وش سمنته هاه؟
قال ماهر :
زي اللي بيقولوه هينا لمّا يجيهم زبون
بيمسكوا يد الزبون ويقولو اديني أوم السّمن
الزبون وهو يضحك ..قال :
ابك انت تقصد أم الشّحم؟
قال ماهر اييييوه هيّا هادي أوم الشحم
قال الزبون : اقول بس عجّل علانا وقل لي النعيمي على تسم ؟
قال ماهر : انا اشتريتو ب700 ريال..
وعلشانك انتا راح أدي لك هوّا بألف ريال
قال الزبون : علشاني بألف ريال؟
يا وجه آآآآلله ابك تسرقني عيني عينك