التعليـــق:

اذا وافقوا على دخول الحريم للملاعب

اضافه لزيادة عدد الجماهير وبيزداد اللي يحبون الكوره

 بين فئات المجتمع

حتى اللي ما يحبون الكوره من الشباب والبنات

 بتلقون مباراة  تقام مثلا بين نادي المجزَل ونادي المحمَل

 تذاكرها بتباع في السوق السودا  

 

اضافه لذلك هناك اثار اخرى :

----خانات اللاعبين بتكون عامل جذب للفتيات لحضور المباريات

يعني النادي اللي عنده ظهير ايمن والا ايسر  اطخم

بيحضرون له من آلاف جمهور البنات

لان الظهير يكون قريب من المدرجات ويسهل قزّه و تصويره..

--- بتكون رمية الأوت عند البنات احسن من البلنتي

ومع كل رمية اوت بيصارخون البنات ياسر ياسر

والا حارثي حارثي

وما ينلامون بصراحه

لاعب مثل محمد نامي ما تحملناه حنّا يا الرجال

 يكون قريّب عندنا  شوطن واحد

علشان يتحملونه البنات 90 دقيقه

 لا وكل شوي يروح يجيب الكوره من عندهن  

 

---- بيكون مستوى مباريات الدوري سيئ جدا

لان اللاعبين بيكون مفهّين وبتكثر تجلياتهم

---- بتكثر الكروت الصفر والحمر من كثر ما يفصخ اللاعبين فنايلهم

 ويروحون ناحية الجمهور..ان جاب قول فصخها فرحان

 وان جا فيهم قول فصخها زعلان

---- بتظهر عند البنات تقليعات جديده

ومزيد من الخساير على الاهل والازواج

 مثلا بيكون فيه مكياج دوري زين

وصبغة دوري ابطال اسيا  

 

واذا صارت بتحضر مباراة نهائيه

 بتجيب سودانيه في البيت تصنفرها