بالاصاله عن نفسي وبالنيابه عن من يعز علي
بسم الله وعلى بركة الله ندشّن
موقعكم موقع اها بس في شكله المبدئي
يا رب يعجبكم وان ما طلعتوا منه بفايده
وما هقوتي ان ورا اها بس فوايد
يارب انكم تطلعون بمتعه ووناسه وسعة صدر
وان ما طلعتوا منه بمتعه ووناسه وسعة صدر.. بصركم
وشهو موقع اها بس ؟
هو موقع احسبه موقع ترفيهي خفيف والله حسيبكم
وشهو محتوى الموقع بارك الله فيكم؟
والله من زين السؤال..
عميان ما تشوفون الفائمه اللي على حجاجكم الايمن
منهم اللي يكتبون في الموقع الله يثيبكم؟
الموقع جعلكم في الجنه تراه مهوب حكرن على اها بس
الموقع موقعكم ..وانتم الداخلين وهو الطالع
كل من يجد في نفسه العياره او السماجه او المصاله والبثاره
يكتب موضوعه ويرسله لبريد الموقع
اهم شي يكون بعيد عن الاسفاف او الاسائه للدين
او لاي جهه او فئه من فئات المجتمع
كذلك سياسه مانبي ..الزم ما على الواحد علباه
مواضيع تثير أي تعصب اقليمي او قبلي او كرَوي ما نبي
ولازم يكون الموضوع بلهجه عاميه من اللهجات السعوديه
او العربيه من المحيط الى الخليج
طيب وين بريد الموقع الله يحييك؟
بنحطه لكم بعد كم يوم ان شاء الله
و هذا هو الشكل النهائي لموقعكم الله يرحم حالكم؟
لا لا مهوب ذا
ما بعد جاكم شي ..ابشروا بالخير
و ادري انكم لاحظتوا بعض السلبيات والملاحظات
الموقع تراه توه يظهر الى الوجود
مثل البزر اول ما ينولد يطلع ساده
لا حواجب لا رموش لا شعر
همّن يبدا يزين شوي شوي لين يصير له معجبات
همّن يعرس ويشين مره ثانيه..
علشان تسذا اصبروا علينا شوي
بيطلع ازين من تسذا بواجد ان شاء الله
اخيرا
آرائكم واقتراحاتكم ونصايحكم ومشاركاتكم
هي العامل الاساسي لنجاح الموقع
لا تحرمونا منها