بمناسبة قرب قدوم عيد الفطر المبارك
نقدم لكم اليوم موضوع
يوضح لكم المعاني الحقيقيه لكل نوع من انواع
الهدايا التي يتبادلها الازواج والمخطوبين
اعاد الله علينا وعليكم العيد باليمن والبركات ..
..الا صدز وشهو اليمن ؟ 
ســـــــوار
الزوج الذي يهدي زوجته سوارا
فانه يريد ان يقول لها ان حبهما لن ينفصم بعد ان قيده بهذا القيد الذهبي .
اجل حبهما لن ينفصم ؟!
اقول بس عساك سالم ..
ياكثر اللي اشتروا لحريمهم محلات الرميزان كلها
ومع ذلك حياتهم صارت فصم في فصم
خاتـــم ألمـــــــاس
والخطيب الذي يهدي خطيبته خاتما ماسيا في احدى المناسبات فانه يقول لها
اذكريني دائما فينبغي على الخطيبة ان تقابلة وقد زينت اصبعها بهذا الخاتم .
اما عاد يهديها خاتم ماسيا وما تذكره !!
ان ما ذكرته يعطيني الخاتم وانا بذكره واذكر أمّن جابته
وبعدين وش اللي حطيبته تقابله !!
ما عندنا ذا السوالف ..بتقابله اذا تملكوا
وهو من زود الخقه, اخر شي بيركز عليه هو اصبعها
والله اللي مهوب جايبن خبر لاصبعها لو تلفه بلزاق جروح
الحلـــــــوى
والخطيب الذي يهدي خطيبته علبه من الحلوى بعد اول لقاء لهما
فانه يريد ان يعبر عن اعجابه بحديثها الرائع.
وش اللي يهديها حلاوى في اول لقاء ؟
والله لو انه رايح يزور وحده مسويه عملية بعج
عطـــــــر
واذا اهداها عطرا جديدا فربما أراد أن يقول
أنه لا يحب العطر الذي تستعمله حاليا ويفضل أن تستبدله بآخر.
ايه هذا اللي بيشيش ذا الحريم على ازواجهن وبيفتح عليهم بابن مصكوك!!
ارخص هديه يسكتونهن بها هي العطورات ..
الحرمه اللي بتقرا ذا الحتسي , لين جا زوجها بازن بنفسه
وجايبن لها عطر من عطورات محلات درعه ,
بتحبطه وتقول له :
شايفني مخيسه ؟
وبتقعد تبتسي وتطلع نخاريرها و تخيس صدز
قصـــيدة شـــــعر
والزوج الذي يهدي زوجته قصيدة شعر
فهو اما رومانسي جداواما لا مال لديه في الفترة الحالية.
ما هقيت انها بتشوف انه رمانسي
الا لين دخل عليها وفي يده علبه مزبرقه وعليها فيونكه
ولين فتحتها لقت فيها علبه ثانيه
بس من اللي تكون مخمل و تنفتح مثل كبوت السياره
وفي وسطها شي يلمع !!
وانا بعد مااشوف ان فيه شاعر ليس لديه مال !!
دميــــــــه
والزوج اذا أهدى زوجته دمية فهذا معناه أنه يريد أطفالا .
ما هقين ان به سعودي بحاجه انه يشتري كرجيّه علشان يعلم زوجته انه يبي عيال
امه وخواته وعماته وخالاته وكل من يعز على امه
بعد الزواج بثلاث ساعات بيتولون المهمه على اكمل وجه
هاتـــــف موبــــايل
واذا أهداها موبايل فيعني أنه يريد أن يصل اليها
ويعرف مكانها كل لحظة
وين بتروح يعني ..يا في بيتها يا عند اهلها يا في ابو ريلين
والله لو هو متزوج طقاقه
ســاعه
اما الزوجة التي تنتهز احلى المناسبات لتهدي
خطيبها ساعه فانها تذكره بان يفي بوعوده
وان تطلب منه ان لا ينسىما يعدها به
وأن يعود للبيت مبكرا ولا ينسى مواعيده معها .
والله يا ان ذا الساعه بتطلع عليه نقمه
وبيقول ليتها اهدتني بدالها بروستد غصن التوت
ربطـــة عنــــق
واذا اهدته ربطة عنق فانها تربط حبها بحبه الى الابد .
انتم زوجوها سعودي لديه عنق همن فكروا في الربطه
ولاعـــــــة
واذا اهدته ولاعة فانها تذكره بقلبها الذي يحترق بلهيب حبه.
الا والله بتأكد له انها دبشه وانها ما تهمها صحتهم ولا صحة ذريتهم !!
عطـــــر
واذا اهدته عطر فانها دعوة منها ليتذكر حبها مع كل رشه من العطر ..
الحييين لين اهدى لها عطر معناتها ان عطرها القديم ما جاز له
وهي لين اهدته عطر معناته انها تبيه يتذكرها مع كل بخه ؟
الظلم ظلمات